Jeżlë jes Kaszëbą z krwie ë gnôta, a jidentifikùjesz sã z kaszëbsczim nôrodã,  stowôra Kaszëbskô Jednota mô dlô ce fejn kòszle! Chto kòszlã założi mdze żëwą promòcją kaszëbsczi swiądë pòstrzód lëdzy, jaczich pòtkô.

 

Z przódkù kòszlë są widzec òjcowie kaszëbsczi nôrodny swiądë – Florión Cenôwa, Aleksander Majkòwsczi ë Aleksander Labùda, a pòd nima nôdpis: “Më Kaszëbi, më nôród”, jaczi zamikô w se całą ùdbã kaszëbsczi nôrodny rësznotë.

Z lewi stronë, na rãkôwie, je ùsôdzony merk KJ, co mô pòkazac, że Kaszëbskô Jednota je pòstãpną zrzeszą lëdzy ò kaszëbsczi nôrodny swiądze, jaczi są pòsobnikama Cenôwë, Młodokaszëbów ë Zrzeszińców.

Projekt ùsadzëła Gracjana Pòtrëkùs, pò pòspólnym namëslenim nôleżników KJ nad wëzdrzatkã kòszlów.