Jegò Swiãtoblëwòsc Papiéż Frãc
Z leżnoscë wëbraniégò Jegò Swiãtoblëwòscë Papieża Frãca na Stolëcã Piotrową do czerowaniégò Pòwszédnym Rzimsczim Kòscołã, stowôra Kaszëbskô Jednota skłôdô Wami nôlepszé żëczbë.
Wierzimë, że wëbierającë dlô Was miono swiãtégò Frãca z Asyżu, Jescë mëslelë ò tëch nômniészich sostrach ë bracynach: biédnëch, wëkluczonëch, pòmijónëch, bez zdrzeniégò na nôrodnosc ë wiarã, chtërnëch głosu ni ma czëc na pòliticznëch wëszëznach.
Żëczimë Wami – papieżowi Frãcowi, żebë Jescë bëlë wërazëcelã prostotë dokazu ewanielie na całim swiece.
Kaszëbskô Jednota
