Zajmë z anielsczégò, teater, radiowé warkòwnie – to wszëtkò z jindiidualnym pòdchôdanim do ùczniaków bédëje Naja Szkòła – pierszô kaszëbskô edukacjowô placówka w historie. Nabór ju rëgnął, szkòła przëjimô dzecë do klasów 1-4. Kaszëbsczi jãzëk, chtëren w jinëch placówkach je ùczony w wëmiarze trzech gòdzënów na tidzéń w Naji Szkòle mô bëc drëdżim wëkładowim jãzëkã.

Kaszëbskô Riviera!? Dze to je? Në kò w Gdinie! Radio Kaszëbë a Kaszëbskô Jednota rôczą w sobòtã 17 czerwińca òd 12 w pôłnié do Hańdlowégò Ceńtrum Riviera na lop rozegracjów! Kaszëbsczi téater Zymk z pòkôzkã dlô dzôtk, Karno Piesnie ë Tuńca SERAKÒJCE, Kaszëbsczi Idol Live ë Damroka na finał! Chcemë waju zaproszëc téż do bùtnowégò